【官宣】高井幸大離開川崎前鋒　將轉投熱刺

川崎前鋒官方宣布，20歲日本國腳中堅高井幸大即將離隊，7月5日日職對鹿島鹿角將是其告別戰，據報佢已經同熱刺達成協議，將飛赴英國報到，征戰英超。

高井幸大在川崎前鋒青訓出身，2022年升上一隊，在國內被視為明日之星，至今上陣58場入4球，今年4月在亞冠精英盃對艾納斯，與C朗對陣不落下風，於去年開始入選日本國家隊，打算將佢培養成後防領軍人物，今次轉戰英超，對其足球事業有極大提升。

「轉會專家」羅曼諾早前報道，高井幸大受歐洲多隊關注，慕遜加柏、賀芬咸同烏甸尼斯都對佢有興趣，最終高井幸大揀咗熱刺，轉會費為500萬鎊(約5,390萬港元)，打破2021年古橋亨梧由神勝利船轉投些路迪創下日職最高轉會費紀錄。