【官宣】昆沙轉投利華古遜　轉會費破隊史紀錄

利華古遜周三(2日)官方宣布，簽入22歲利物浦中堅查洛爾昆沙，合約為期5年至2030年，將會穿上4號球衣，據報轉會費總值3,500萬鎊(約3.76億港元)，打破隊史紀錄。

利華古遜同利物浦之間今夏頻頻有球員交易，利物浦簽入謝利美費林邦同科利安華迪斯，今次輪到利華古遜「回禮」，簽入查洛爾昆沙，雖然3,500萬鎊對利物浦嚟講唔算係咩錢，但對於利華古遜已屬高價。

利華古遜對上一個隊史交易紀錄，要數到6年前嘅2019年，從賀芬咸買入中場迪米亞巴爾，轉會費3,200萬歐元(約2.95億港元)，今次昆沙收購價足足高出超過8,000萬港元。

「轉會專家」羅曼諾報道，今次交易利物浦留有一手，就係將來如有需要，利物浦有權回購昆沙，回購價為6,000萬鎊，另加浮動獎金，2027年開始生效，所以今次交易，利華古遜可謂佔盡便宜。