【官宣】曼聯今夏第2簽　18歲左閘正式加盟

曼聯增兵行動有進展，正式宣布簽入年僅18歲嘅巴拉圭左後衞迪亞高李安，成為今夏第2位成「魔」球員，下一步將準備簽入恢復自由身嘅愛華頓前鋒卡維特利雲。

曼聯今年1月已經向巴拉圭球隊波特諾「預訂」迪亞高李安，現時正式加盟，據悉轉會費為700萬鎊(約7,500萬港元)。由於紅魔鬼正選左閘勞基梳爾經常受傷，今年2月加盟嘅柏德列多古表現未如理想，加上會方準備出售杜維爾馬拉西亞，迪亞高李安來投有助舒緩左閘人腳問題。

迪亞高李安簽約之後，表示有信心能夠獲得領隊魯賓艾摩廉重用：「好多人認為我會被外借去其他球隊，但我唔認同，並會把握季前熱身賽證明自己有能力為曼聯效力。」

另外，曼聯仍然需要簽入前鋒，考慮到財政問題，決定向卡維特利雲埋手，節省轉會費支出，有望短期內同呢位28歲前英格蘭國腳達成加盟協議。