東亞錦　國足首戰落敗　主帥：南韓表現更好

【記者李浚湣南韓直擊】中國周一（7日）出戰東亞足球錦標賽2025揭幕戰，在龍仁市龍體育場面對東道主南韓，最終以0比3落敗。賽後暫代主教練久爾傑維奇承認對手實力強之餘，兼且今場表現更好，成功限制球隊進攻，絕對值得獲勝；同時他又提到安排吾米提江客串左閘的原因。

國足今場8分鐘已率先落後，最終慘吞3蛋，暫代主教練久爾傑維奇出席賽後記者會時，承認優勝劣敗：「南韓係一支強隊，球隊進攻受到限制好正常，加上佢哋開賽初段入埋球世界波，更加增強咗士氣。無錯下半場我哋表現有改善，但其實係因為對手放鬆嚟踢，令節奏減慢，整體而言南韓發揮更出色，絕對配得上依場勝利。」

值得一提，國足今場起用吾米提江客串左閘，久爾傑維奇亦有作出解釋：「左路嘅吳少聰、胡荷韜受到傷患困擾，唔能夠參加集訓同比賽；由於我哋冇補選，最後喺現有球員上，我哋作出依個決定。」有傳中國足協要求國足「不可包尾」，意味着面對實力最弱的港隊不容有失，久爾傑維奇卻未有正面回應：「依刻淨係會諗下一場嘅對手日本，我哋會全力以赴，相信球隊一定會踢得更好。」