升呢！基亞連尼成FC洛杉磯老闆

美職球會FC洛杉磯周三(9日)宣布，意大利名將基亞連尼成為球會班主之一，有關嘅財政細節未有公開，但基亞連尼就會繼續發揮佢嘅美國嘅影響力。

現年40歲嘅基亞連尼，3年前加盟FC洛杉磯，度過佢球員生涯最後18個月，喺2023年底宣布掛靴。基亞連尼退休後繼續留喺FC洛杉磯做「球員發展教練」，依家仲做埋球會班主之一。

基亞連尼表示：「好榮幸成為FC洛杉磯班主之一，3年前我以球員身份加入，已經覺得呢間球會好特別，非常有雄心，而社區嘅支持令球員有『家』嘅感覺，所以我希望成為球隊班主之一。」

FC洛杉磯舊年係美職常規賽西岸冠軍，現時暫時排西岸第7，因為參與世冠盃，事實上比其他球隊少踢幾場，有機會再爭番上前列，力爭衞冕西岸冠軍。