愛華頓搶右翼　睇中久保建英

愛華頓喺夏天轉會市場準備出手，據西班牙媒體《Fichajes》報道，佢哋已將日本國腳久保建英列為頭號目標，願意開出3,000萬歐元轉會費搶人，領隊莫耶斯視佢為球隊愛華頓嘅「未來」。

愛華頓上年喺莫耶斯臨危受命下護級成功，莫耶斯今夏雄心勃勃，據報已傾掂簽入維拉利爾前鋒泰亞路比利，轉會費達3,250萬歐元。《Fichajes》報道指出，愛華頓依家首要目標係簽右翼，奧馬利赫捷臣係候選之一，但莫耶斯更睇好皇家蘇斯達嘅久保建英，準備開價3,000萬歐元。

久保建英喺歐洲一直效力西甲，不過今夏就準備尋求新挑戰，今年初轉用德國經理人公司Sport 360，就係為轉會鋪路，去英超亦係24歲嘅久保建英最大目標。