曼聯唔落疊　祖記賣雷斯畀韋斯咸

祖雲達斯早前曾向曼聯推銷巴西中場杜格拉斯雷斯，但冇回音，祖記近日另尋買家，據報同韋斯咸有所接觸，商討杜格拉斯雷斯轉會事宜，轉會費標價4,000萬歐元(約3.67億港元)。

27歲杜格拉斯雷斯2019年起在阿士東維拉效力5個球季，去年夏天以5,150萬歐元轉投祖雲達斯，但轉意甲表現令人失望，上陣27場0入球0助攻，祖記決定止蝕，將佢出售。

祖記原打算將杜格拉斯雷斯同杜辛華荷域一次過「打包」賣畀曼聯，但未獲積極回應，近日佢哋有意同杜辛華荷域提前解約，至於杜格拉斯雷斯在英超上陣多年，所以希望將佢送返英超，收回部份資金。

祖記將以蝕本價出售杜格拉斯雷斯，標價4,000萬歐元，韋斯咸對此子表示興趣，雙方正進行談判。