阿仙奴斟掂小狂牛　今個星期落實

阿仙奴就快又簽一員猛將，據報已同華倫西亞西班牙小國腳基斯甸摩斯基拿達成個人協議，轉會費亦同華倫西亞傾妥，基本金額為1,500萬歐元(約1.38億港元)，另加浮動獎金，如一切順利，今個星期就可落實。

「轉會專家」羅曼諾以招牌here we go標示今次轉會，阿仙奴簽基斯甸摩斯基拿，係用嚟填補富安健洋離隊後右閘空缺，21歲嘅基斯甸摩斯基拿早於2021年已加入一隊，近兩季開始受重用，今季為華倫西亞上陣41場入1球，早前U21歐國盃亦有為西班牙上陣，潛力無限。

阿仙奴同球員已達成個人協議，只差同華倫西亞談判轉會費，據報不高於2,000萬歐元，固定轉會費為1,500萬歐元，另加浮動獎金，摩斯基拿已準備前往倫敦，接受體檢然後簽約。