比恩迪亞慘成3號門將　艾摩廉想提拔21歲新星

曼聯正選門將奧拿拿受傷長抖之後，理應由副選比恩迪亞頂出，為季前熱身賽把關，但根據英國《電訊報》爆料，紅魔鬼主帥魯賓艾摩廉反而希望提拔21歲新星維迪克，栽培佢做奧拿拿接班人。

維迪克5年前已加入曼聯青年軍，上年1月被外借去英乙球隊阿克寧頓，上季被外借去奧地利球隊寧斯。呢位身高1米98嘅捷克小國腳為寧斯上陣23場面對106次射門，僅失29球，表現令人驚喜，所以魯賓艾摩廉決定帶佢一齊出戰美國之旅季前熱身賽，觀察呢位新星表現，估計佢屆時應該有唔少上陣機會，意味長居後備嘅比恩迪亞，可能又要「再坐一會」。

事實上，早已傳出比恩迪亞可能離隊，魯賓艾摩廉趁季前熱身賽，栽培維迪克亦係明智之舉。