媲美細哨　45歲謝拉特榮升外公

繼巴西名宿「細哨」朗拿甸奴今年抱孫之後，同樣45歲嘅昔日利物浦「神奇隊長」謝拉特近日亦榮升外公，佢現時冇波教，可以弄孫為樂。

謝拉特本身有3女1仔，大女Lilly-Ella現年21歲，非常早熟，未婚懷孕，近日喺社交網上載男朋友拎住嬰兒籃相片，宣布首次做媽媽，誕下1位女嬰，意味謝拉特正式榮升外公。

謝拉特今年1月同沙特阿拉伯球隊伊蒂法克解約後，仍然未有教職，有大把時間幫手湊孫。