曼聯下個收購目標曝光──沙維西蒙斯

曼聯夏天轉會計劃按部就班，上月簽入馬菲奧斯根夏後，近日又落實7,100萬鎊收購賓福特翼鋒麥比奧莫。據法國傳媒報道，曼聯下個目標係中場球員，頭號獵物鎖定RB萊比錫嘅沙維西蒙斯，兩間球會已展開會談。

法國著名記者Sebastien Vidal爆料，沙維西蒙斯已向RB萊比錫表明轉會決心，拜仁慕尼黑同阿仙奴都對佢虎視眈眈，不過曼聯搞掂麥比奧莫後，會全力斟介呢位荷蘭全能中場，而且會談已經展開，RB萊比錫索價6,000萬鎊。

22歲嘅沙維西蒙斯可以勝任中前場所有位置，對於志切賣走阿歷真度加拿祖、拉舒福特、查頓辛祖同安東尼馬菲奧斯嚟講，絕對係有好高價值嘅收購。沙維西蒙斯上季德甲有10個入波同7次助攻，自然成為球壇搶手貨。