紅軍抵港　VVD同粉絲簽名互動堅親民

上季英超盟主利物浦，周六（26日）於啟德主場館踢表演賽對AC米蘭，大軍周一（21日）下午到達香港，吸引逾百球迷在其下榻的酒店門外守候。紅軍中堅華基爾雲迪積克（VVD）盡顯隊長風範，同其他隊友落車後直入酒店唔同，佢一落車即行去球迷區，幫粉絲簽名，非常親民。

可能坐飛機坐得耐，包括穆罕默德沙拿、阿歷斯麥亞里士打等球員，都喺酒店內做下拉筋之類嘅運動。難得來到香港，之後沙拿、雲迪積克、科利安華迪斯、主帥施洛等，就落酒店樓下的星光大道逛逛，觀賞維港美景。