相差500萬歐元！拜仁斟迪亞斯快成事

正隨利物浦在港集訓嘅路易斯迪亞斯，極可能稍後就轉會，轉投拜仁慕尼黑，據報拜仁報價同利物浦要求轉會費金額僅相差500萬歐元，拜仁希望利物浦接納二次轉會分帳，有信心可在7至10日內完成交易。

在早前世冠盃期間，路易斯迪亞斯已親自答應同意拜仁轉會要求，其經理人在亞洲集訓出發前亦在利物浦留守數日，為今次轉會鋪路。

德國傳媒報道，拜仁對於路易斯迪亞斯報價上限為7,500萬歐元(約6.93億港元)，利物浦叫價不低於8,000萬歐元(約7.39億港元)，相差只有500萬歐元。

拜仁向利物浦提出各種方案，希望促成交易，其中最可行是為利物浦加入二次轉會分帳條款，拜仁打算與28歲嘅路易斯迪亞斯簽約4年，如果3年後出售，利物浦可獲得轉會分帳，雙方將繼續磋商，預計好快有結果。