艾摩廉讓步　「三小強」有望留隊

曼聯今夏「清貨」行動緩慢，主要掛牌出售球員之中，只有拉舒福特已轉投巴塞隆拿，領隊魯賓艾摩廉似乎打定輸數，指阿歷真度加拿祖、查頓辛祖、安東尼馬菲奧斯下季可能繼續留隊。

曼聯已飛去美國踢季前熱身賽，3位翼鋒阿歷真度加拿祖、查頓辛祖、安東尼馬菲奧斯、左後衞杜維爾馬拉西亞都冇份，畀時間佢哋「搵工」。外界比較關心3位進攻球員去留問題，魯賓艾摩廉話：「當去到某一個時間，佢哋可能會重新加入球隊訓練，畢竟佢哋仍然係曼聯球員，如果球會收唔到合適報價，我已經準備好接納佢哋。」

盛傳拜仁慕尼黑有意簽入阿歷真度加拿祖，祖雲達斯睇中查頓辛祖，貝迪斯希望繼續借用安東尼馬菲奧斯，但仍然未傾掂數。

此外，魯賓艾摩廉表示，未來簽球員必須小心選擇，佢已經非常滿意現有陣容。