Football

 

拉舒福特登場 巴塞隆拿輕取神戶勝利船

巴塞隆拿亞洲之旅展開,周日(27日)首站對日職「1哥」神戶勝利船。以借將身份加盟巴塞嘅拉舒福特完成「地標戰」,結果巴塞憑另一新兵巴迪治入波贏3比1,旗開得勝。

巴塞今仗繼續派拉明耶馬拍拉芬夏比洛尼雙翼齊飛,前鋒起用費倫托利斯,新加盟嘅拉舒福特同中鋒羅拔利雲度夫斯基暫列後備,神戶勝利船則由日本國腳宮代大聖領軍。

巴塞一如既往掌控戰局,上半場33分鐘憑一次角球攻勢,艾利加西亞門前混戰中一射破網領先;神戶勝利船42分扳平,巴塞中堅古巴斯失誤輸反擊,最終被宮代大聖一射破網追成1比1完半場。

下半場雙方更換全部11人,拉舒福特及「瑞典朗尼」巴迪治齊齊登場,戰至77分鐘,巴塞一次反擊,羅拔利雲度夫斯基左路橫傳,巴迪治接應射遠柱入網,巴塞領先2比1。87分鐘巴塞再下一城,最終贏3比1完場。