【官宣】車路士簽哈圖　今夏第9個新兵

車路士周一(4日)官方宣布，荷蘭19歲中堅祖利爾哈圖由阿積士加盟，據報轉會費為3,550萬鎊，雙方簽約7年。呢位荷蘭新晉國腳成為車路士夏天第9個新兵，而且「藍戰士」仲未打算停止買人。

可以踢中堅同左閘嘅哈圖，16歲就為阿積士一隊上陣，佢接受車路士官網訪問話：「好興奮加盟車路士，我為自己未來諗咗好耐，車路士係最佳選擇。離開荷蘭感覺有啲奇怪，但呢個係新旅程，有新嘅文化、新球隊、新隊友、新競爭，我認為自己喺合適時間做出合適決定。」

車路士今夏已經收購利安戴納、比諾傑坦斯、達里奧艾素高、祖奧柏度、艾斯迪禾韋利安等球星，連同哈圖已有9名新兵加入。消息指車路士仲想再斟沙維西蒙斯同阿歷真度加拿祖，打造星級陣容。