金球獎候選30人　曼聯棄將驚喜入圍

本年度金球獎30人候選名單公布，上季贏得「3冠王」法甲班霸巴黎聖日耳門(PSG)成為大戶，共9人入選，不過協助葡萄牙贏得歐國聯嘅C朗同般奴費南迪斯就冇份，反而曼聯棄將麥湯米尼驚喜入圍。

今屆金球獎以法國前鋒奧士文尼迪比利呼聲最高，佢為PSG贏得歐聯、法甲及法足盃成為「3冠王」，係得獎大熱，至於為贏歐聯同金球獎、去年夏天由PSG轉投皇家馬德里嘅基利安麥巴比，雖然入圍，但普遍認為機會不大。

至於英超球員入圍人數亦唔多，只有曼城艾寧夏蘭特、利物浦阿歷斯阿亞里士打、華基爾雲迪積克、穆罕默德沙拿、阿仙奴迪格蘭賴斯，同埋擊敗PSG奪得世冠盃嘅車路士中場高爾彭馬。

曼聯上季成績差劣，所以冇球員入圍，就算葡萄牙贏得歐國聯，般奴費南迪斯都冇份，隊長C朗亦唔再入圍，反而曼聯棄將麥湯米尼，憑上季協助拿玻里奪得意甲冠軍，驚喜入圍30人名單。金球獎頒獎禮將於9月22日在巴黎舉行。