回應C朗離隊前控訴　曼聯基地大翻新

曼聯官網報道，耗資5,000萬鎊(約5.28億港元)翻新嘅卡靈頓訓練基地，日前舉行開幕典禮，班主拉特克利夫與傳奇領隊費格遜，以及曼聯一隊全體成員出席，新設施據報達到世界級，有助球隊提升表現。

C朗3年前離隊時喪鬧曼聯不思進取，特別係設施殘舊問題，曼聯會方其實有重視，委托建築公司Foster + Partners主理，採納球員意見，優先考慮功能性同開放性，其中球員休息區同泳池，終於似番個樣。

拉特克利夫表示：「去年對設施進行審查後，我哋決定將訓練設施升級，為員工同球員創建一個世界級訓練環境，以顯示我哋對曼聯嘅雄心同願景。」

曼聯新球季有新陣容又有新設施，使咗咁多錢，季初成績好壞變得更加重要，8月份開季頭3場對阿仙奴、富咸及般尼，至少要攞6分，魯賓艾摩廉責任重大。