【有片】紐尼斯極速首演入波 感人告別紅軍
烏拉圭前鋒達雲紐尼斯日前轉投希拉爾，周一(11日)凌晨即極速首演，而且仲有入波延續季前勇態。紐尼斯同時發表感人公開信，答謝「紅軍」球迷同隊友一直以來對佢嘅支持，有情有義。
紐尼斯周六(9日)簽約希拉爾後，即刻去德國同正喺當地集訓嘅希拉爾會合，並喺對瑞士球會阿勞一仗後備上陣，狀態大勇嘅紐尼斯喺88分鐘窄角度狂抽入網，協助希拉爾大勝6比0。
紐尼斯之前隨利物浦踢熱身賽，4場入5球狀態勁弗，佢亦發出公開信感謝舊會：「多謝利物浦。3年時間，係時候講再見，無數嘅回憶我會一世記住，衷心多戲球迷對我嘅愛戴同支持。利物浦永遠會係我人生一部份，筆墨形容唔到我對你哋嘅掛念，祝你哋有美好嘅未來。」