基亞利殊同意離開曼城　外借到愛華頓

距離英超開鑼不足一星期，基亞利殊終於同意離開曼城，以外借形式轉投愛華頓，稍後進行體檢，然後正式官宣，不過愛華頓財力有限，無法滿足基亞利殊高達30萬鎊周薪(約316萬港元)，可能要接受減薪。

英國傳媒報道，曼城上季開始重建陣容，主帥哥迪奧拿較早時建議基亞利殊轉會，以爭取更多上陣機會，早前更被踢出今夏集訓名單，經過多輪談判，同曼城尚餘2年合約嘅基亞利殊同意離隊，新球季將外借到愛華頓。

29歲嘅基亞利殊2021年以1億鎊轉會費由阿士東維拉轉投曼城，效力4季共上陣157場入17球，但每季入球數字只有個位數，屬於失敗收購，哥迪奧拿指出：「基亞利殊需要更多上陣機會，以提升狀態同爭取表現，對佢嚟講，最理想就係搵一隊可以畀佢上陣嘅球隊。」