曼聯11年來首踢英聯盃第2圈　抽中對英乙隊

英聯盃第2圈賽事周四(14日)抽籤，將會喺呢一圈粉墨登場嘅曼聯，抽中作客英乙球隊甘士比，呢場會係「紅魔鬼」11年來首次亮相英聯賽第2圈。

冇份踢歐洲賽嘅英超球隊，都會喺第2圈加入戰團，曼聯抽中好籤，對手只係英乙嘅甘士比，相反其他抽籤出現狼隊對韋斯咸、般尼茅夫對賓福特嘅「英超內戰」，富咸、白禮頓、列斯聯同般尼等都要對英冠球隊，更突顯曼聯有運行。

曼聯對上一次喺英格蘭第2圈參賽，已經係2014年，當時由尹戈爾執教嘅「紅魔鬼」，喺第2圈竟然吞英甲球隊米爾頓凱恩斯4蛋，慘情出局。曼聯曾6次贏英聯盃冠軍，對上一次捧盃係2023年。