【有片】見到索女唔敢望 杜倫受訪囉囉攣
睇靚女係男人嘅天性，不過薩克達教練阿達杜倫就定力十足，近日接受球會索爆女記者訪問，全程盡力避免有任何眼神接觸，而且球迷更指佢已經唔係第1次「逃避」該索女記者，完全做到非禮勿視。
女主角Savina係薩克達嘅官方記者，球隊早前喺歐霸盃淘汰比錫達斯後，今夏上任嘅土耳其名將阿達杜倫接受Savina訪問，當時Savina着住低胸衫同短裙，只用領帶遮住「事業線」，搞到阿達杜倫好唔自在，答問題嗰陣擔天望地，唔想同Savina有眼神接觸，引起球迷熱話。
薩克達球迷指出，阿達杜倫已經唔係第1次出現呢個情況，之前接受Savina訪問一樣冇眼神交流。球迷指阿達杜倫咁樣做，係顯示出對結婚7年妻子Aslihan嘅忠誠，性感索女企喺面前亦不為所動。同時係模特兒嘅Savina同樣結咗婚，老公正正係薩克達主力球星邦達。