拿玻里開咧前出事　盧卡古受傷

拿玻里喺周五(15日)凌晨踢最後1場熱身賽，以2比1擊敗奧林比亞高斯，付出沉重代價，前鋒盧卡古受傷退下火線，未知能否出戰8月24日凌晨新一季意甲作客薩斯索羅。

盧卡古今仗以正選上陣，但踢到33分鐘，疑似左腳大腿受傷，無法繼續比賽，由新兵羅倫素盧卡入替。意大利傳媒指盧卡古有可能缺陣首輪意甲對薩斯索羅，呢位32歲比利時國腳上季聯賽上陣36場入14球及10次助攻，屬於捧盃功臣，如果佢養傷，勢必打亂教練干地部署。

幸好羅倫素盧卡狀態不俗，今場又入波，連續2場熱身賽建功，有能力暫代盧卡古嘅正選位置。