加歷查預言：艾摩廉20周前被炒

曼聯領隊魯賓艾摩廉豪言要在紅魔執教20年，名嘴加歷查立即狂潑冷水，質疑艾摩廉執教能力，今季無法堅持超過20周就被辭退。

加歷查在自己專欄指出：「艾摩廉話要喺曼聯執教20年，但佢首要任務，應該確保自己在奧脫福捱過20輪，新球季對阿仙奴，就係佢能否站穩陣腳嘅第一道考驗。」

佢進一步指出：「曼聯今季必須強勢開局，否則班主拉特克利夫唔會手下留情，我認為艾摩廉喺2026年之前被辭退機會好高。」按照賽情，2025年12月31日對狼隊係曼聯第19周賽事，如果艾摩廉喺呢場之前執包袱，就會應驗加歷查預測。

何況曼聯季初賽程難打，首輪就對阿仙奴，第4輪對曼城、第5輪對車路士，第8輪對利物浦，前8周已經有4場硬仗，如果4場輸晒，艾摩廉帥位真係幾危。