C朗降臨香港C朗博物館　開懷大笑

上月在香港開幕、位於K11 MUSEA嘅C朗博物館，一直等待主人C朗降臨，而呢一日終於等到！C朗周日(17日)親身降臨博物館，現場有大批球迷聚集，希望一睹呢位葡萄牙巨星風采。

C朗日前隨沙特豪門艾納斯來港，準備出戰沙超盃，C朗在港幾日都係去球場練波，呢一日終於抽空到自己專屬博物館，有機會參觀各展品同打卡，見佢睇見自己嘅展品，睇到開懷大笑，就知佢幾開心。

C朗除了與自己的蠟像互動，亦親身體驗場內多項互動體驗，並指當得知有大批球迷參觀博物館後，十分感觸：「能夠重溫我人生和職業生涯中重要時刻的點滴，是一次非常難忘的體驗。而知道有這麼多小朋友來參觀這個博物館，令我感到非常欣慰，這對我來說，比任何獎盃都更有意義。」