國米「神操作」 考慮簽番奧拿拿
曼聯門將奧拿拿近日已經傷愈復操,但並冇份入選上場英超對阿仙奴嘅大軍名單,令人懷疑主帥魯賓艾摩廉準備放走呢位喀麥隆國腳,根據英國《太陽報》爆料,國際米蘭考慮簽番奧拿拿。
奧拿拿曾於2022/23年球季效力國際米蘭,協助球隊奪得意大利盃冠軍及打入歐聯決賽,隨即以4,380萬鎊(約4.6億港元)轉會費加盟曼聯,但成「魔」後表現令人失望,已多次傳出曼聯有意出售佢。
最新消息指國際米蘭新帥捷禾考慮到現時正選門將恩尼森馬已經36歲,希望簽入新門將,原本睇中基安盧基當拿隆馬,但估計呢位意大利國腳好大機會去英超搵食,所以考慮簽番奧拿拿,但估計只會借用。
奧拿拿3年前以自由身離開阿積士,國米免轉會費簽入佢,出售畀曼聯之後,現時又有機會「免費」回收,可以話係「神操作」。