哥迪奧拿出手留沙雲奴　曼城拒熱刺破紀錄開價

曼城翼鋒沙雲奴近日盛傳可能轉投熱刺，不過英國傳媒最新消息，領隊哥迪奧拿親自出面挽留後，已將該巴西球星列為「非賣品」，正式拒絕熱刺斟介。

沙雲奴因傷冇喺英超開咧戰上陣，據報熱刺對佢志在必得，願意支付破球會紀錄嘅轉會費，開價超過6,000萬鎊。曼城方面亦願意傾談，甚至已經考慮賣走沙雲奴後，洽購皇家馬德里嘅洛迪高高斯代替。

但英國著名記者Ben Jacobs報道，哥迪奧拿決意留用沙雲奴，並且親自出面留人，已經正式回應熱刺唔會考慮放人。曼城早前已放走基亞利殊同占士麥艾迪，上場兩翼起用謝利美杜古同奧斯卡波比。