咩料？舒克斯被曼聯列作非賣品！

曼聯將海倫列入「炸彈小隊」之後，今夏出售名單似乎已經封盤，據報會方高層同主帥魯賓艾摩廉，將上季無甚表現嘅約舒亞舒克斯列作「非賣品」，甚至拒絕拿玻里探盤問價，究竟點解？

約舒亞舒克斯去年夏天以3,650萬鎊轉會費由博洛尼亞來投，簽約5年，但佢表現低迷，全季上陣49場僅入7球，早前更因受傷缺席曼聯夏天集訓。

今夏不時傳出有意甲球會有意斟介約舒亞舒克斯，國米、A米及拿玻里都對呢位荷蘭國腳有興趣，不過曼聯只想出售「炸彈小隊」，約舒亞舒克斯未被列入出售名單內。

「轉會專家」羅曼諾報道，曼聯董事局與魯賓艾摩廉早在幾個月前共同決定，將約舒亞舒克斯列作「非賣品」，即使面對多支意甲球會探盤，曼聯都不為所動。

上場英超「魔仙會」對阿仙奴，約舒亞舒克斯出現在後備名單上，但未有上陣，反而冇傷冇病嘅海倫被踢出大名單，反映曼聯會方力保約舒亞舒克斯嘅決定。