坦哈格出招　利華古遜有望借用曼城新星

利華古遜今夏有多位主力離隊，新帥坦哈格急需要為球隊補充新血，根據「轉會權威」記者羅曼諾(Fabrizio Romano)爆料，呢支德甲勁旅計劃借用曼城19歲阿根廷新星艾捷華利。

曼城上年1月向河床收購艾捷華利，外借畀呢支阿甲勁旅1年後，今年1月正式入「城」，但僅上陣3場入1球，唯一入波係6月世冠盃分組賽，射入艾阿恩大門。

據悉曼城打算今季將艾捷華利外借，希望佢吸收比賽經驗，西甲「姐妹球會」基羅納有意借用，利華古遜現時亦加入爭奪，並願意支付一筆借用費，希望爭贏基羅納。

艾捷華利可以勝任翼鋒同進攻中場，坦哈格想用佢代替轉投利物浦嘅域斯位置。