利華古遜又走一件　功勳翼鋒投般尼茅夫

般尼茅夫同利華古遜周一(21日)共同官方宣布，摩洛哥翼鋒艾米艾里由利華古遜轉投般尼茅夫，簽約5年，據報轉會費總值2,500萬鎊(約2.6億港元)，利華古遜前季冠軍陣容又少一件。

早前英超開鑼戰，般茅臨尾失守，以2比4不敵利物浦，球隊今夏出售多名主力有一定影響，所以今次決定重金入貨，會方官方社交平台披露，25歲嘅艾米艾里係球隊史上首位摩洛哥外援。

至於利華古遜，沙比阿朗素離隊，由坦哈格執教後陣容面目全非，今夏先後出售多名主力如域斯及格列沙加等，德甲開季前再出售艾米艾里，球隊季初表現值得留意。

艾米艾里在利華古遜效力4個球季，上陣143場入23球，表現最好就係攞德甲冠軍球季，上陣42場入10球，國家隊方面，佢少年時期代表法國青年軍，成人轉國籍成為摩洛哥國腳，上陣15場入1球。