馬古尼明夏離隊？本尊咁回應

曼聯中堅哈利馬古尼將於明夏約滿，盛傳佢屆時可能離隊，結束7年紅魔鬼生涯。不過，呢位32歲英格蘭國腳最新表示，離開曼聯絕對係「愚蠢做法」，暗示希望續約。

哈利馬古尼出席一項活動期間，被問到去留問題，佢話：「未來幾個月，我一定會坐低同球會管理層討論前途問題，我有自己想法，但現時唔可以公開講，總之曼聯係偉大球會，尋求離隊係愚蠢做法。」哈利馬古尼2023年夏天被前領隊坦哈格禠奪隊長臂章，當時幾乎「脫魔」，但最終仍然留隊。

坦哈格被炒之後，新帥魯賓艾摩廉非常欣賞哈利馬古尼，據悉已拒絕5間球會斟介呢位愛將，一般估計曼聯將會同馬古尼續約。