羅馬答應離譜要求　辛祖騎虎難下

羅馬斟介查頓辛祖進入最後階段，曼聯已接受羅馬轉會費報價，而羅馬亦答應辛祖所開出嘅無理要求，只等辛祖最後答覆，亦令一心只想留在曼聯享受高薪至約滿嘅辛祖騎虎難下。

意大利傳媒報道，羅馬同曼聯已達成協議，辛祖轉會費定為2,300萬歐元(約2.08億港元)，至於辛祖開出嘅個人條款，包括總值650萬歐元年薪(約5,890萬港元)，以及近乎無理嘅1,100萬歐元(約1億港元)佣金，羅馬都願意支付。

辛祖仍然不同意轉會，分析指辛祖只想留在曼聯享受最後一年高薪至完約，或在轉會窗關閉前最後一刻外借，再由曼聯承擔大部分薪資，等到明夏約滿後，再以自由身向新東家爭取高額簽字費，如果依家答應羅馬轉會，所有計劃都會成空。

不過如果辛祖仍然拒絕加盟羅馬，將會信用破產，影響日後搵班落，所以現時嘅辛祖確係騎虎難下。