森林睇中前熱刺教頭頂紐奴

近期諾定咸森林主帥紐奴與與班主馬連拿基斯被指關係緊張，有傳依家「量地」嘅前熱刺教頭普斯迪高路，有機會接替紐奴成為森林新帥。

2023年底上任嘅紐奴，雖然帶領森林上季取得英超第7名，但佢早前公開話同馬連拿基斯關係冇上季咁親密，其言論似乎觸怒呢位班主。有指馬連拿基斯十分欣賞普斯迪高路執教風格，佢上季協助熱刺破多年錦標荒勇奪歐霸盃，加上係自由身兼分外啱傾，難怪成為接替紐奴嘅熱門人選。