愛華頓繼續增兵！即將簽入聖徒天才翼鋒

新主場順利贏波嘅愛華頓，短期內將繼續增兵，據報佢哋即將簽入修咸頓19歲天才翼鋒迪比寧，轉會費總值高達4,000萬鎊(約4.22億港元)，球員接受體檢，交易快將落實。

早前已經簽入基亞利殊嘅愛華頓，繼續強化陣容，「轉會專家」羅曼諾報道，「拖肥」已同修咸頓達成協議，迪比寧固定轉會費為3,500萬鎊，另加500萬鎊浮動獎金。修咸頓認為迪比寧具市場潛力，要求加入25%二次轉會分帳。

修咸頓青訓出身嘅迪比寧上季在英超上陣38場，交出4球3助攻，雖然未能阻止「聖徒」降班，但表現仍獲一致好評，今次轉會令呢位天才翼鋒有再戰英超機會，預期佢嘅身價會繼續上升。

愛華頓今季增兵亦毫不手軟，如果順利簽入迪比寧，將會係「拖肥」今夏第8簽。