1張紅牌3個傷出　紐卡素輸面輸波又輸人

紐卡素喺英超主場2比3不敵利物浦，唔單止冇晒3分，畀利物浦場內場外㩒住搶冇晒面，今場仲要有安東尼哥頓粗野踢人食紅牌，祖連頓、辛度東拿利同法比安舒哈3大主力又傷出，乜都輸晒！

紐卡素喺完上半場前，有安東尼哥迪踢華基爾雲迪積克被逐，佢賽後亦公開道歉，表示自己係「勇過頭」無心傷人，但佢直接拎紅牌後，按例會自動停賽3場，令本來已經冇晒前鋒嘅紐卡素無兵可用。

除此之外，兩大中場辛度東拿利、祖連頓同法比安舒哈先後傷出，辛度東拿利手臂受傷、祖連奴鼠蹊受傷、法比安舒哈就受到腦震盪，其中祖連頓離場嗰陣落淚，似乎傷勢唔輕。

紐卡素領隊艾迪侯域賽後表示：「依家好難判斷，但祖連頓同東拿利睇落唔樂觀，擔心佢哋可能要抖一段時間，哥頓嚟緊當然要停賽，對球隊係重大打擊。」