坦哈格搵救兵　利華古遜將簽前皇馬老將

上季德甲亞軍利華古遜，今季聘請坦哈格執教，落筆打三更，首場聯賽以1比2不敵賀芬咸，根據「轉會權威」記者羅曼諾(Fabrizio Romano)爆料，利華古遜準備再增兵，即將簽入恢復自由身嘅前皇馬老將盧卡斯華斯基斯。

利華古遜今夏有多位主力離隊，即使簽入唔少新兵，但質素有限，難以抵消實力損失。因此，會方要趁轉會市場關閉前再次簽人，最新消息指已經斟掂盧卡斯華斯基斯。呢位34歲前西班牙國腳今夏約滿，離開效力咗10年嘅皇馬，一直未有球會收留，現時原則上接受利華古遜開出嘅合約條款，預料好快可以正式簽約。

盧卡斯華斯基斯技術全面，可以勝任右中場及右後衞，利華古遜希望簽入佢，接替轉投利物浦嘅謝利美費林邦。