【官宣】馬迪又轉會　加盟薩斯索羅

37歲塞爾維亞名將尼曼查馬迪又轉會，上周宣布離開里昂，周二(26日)官方宣布加盟意甲升班球隊薩斯索羅，簽約1年，亦係佢生涯效力嘅第10間球會。

司職中場嘅馬迪高峰期踢過車路士同曼聯，離開紅魔鬼後近年踢過羅馬、雷恩同里昂，上季為里昂上陣36場入1球，上周宣布在個人社交平台宣布離開里昂，好快就搵到新東家，加盟薩斯索羅，亦係佢繼羅馬之後再戰意甲。

馬迪已完成註冊，簽約1年，如能滿足特定條件，將自動續約1年，薩斯索羅官網發文，特別介紹馬迪嘅豐功偉績，內文稱：「馬迪擁有豐富國際賽經驗，技術出眾及領導能力，生涯贏過2次英超冠軍、1次葡超冠軍，以及2次當選塞爾維亞足球先生，他加盟將向隊員分享其成功經驗。」