連迪路夫加盟費倫好事近　同迪基亞再次合作

域陀連迪路夫今夏約滿離開曼聯後，仍然未有班落，根據「轉會權威」記者羅曼諾(Fabrizio Romano)爆料，意甲球隊費倫天拿正在力邀呢位31歲瑞典中堅加盟，如果成事，佢就可以同前曼聯隊友門將迪基亞再次合作，鎮守防線。

據悉有多支球隊有興趣簽入自由身嘅域陀連迪路夫，包括2支英超球隊愛華頓、賓福特，但呢位守將傾向去意甲搵食，費倫天拿方面已經同佢展開深入談判，有望達成協議。

域陀連迪路夫2017年由實菲加轉投曼聯，上陣284場，並有4球進帳，當中有6年同迪基亞做隊友，見到對方上年夏天加盟費倫天拿後，事業發展唔錯，所以亦以「紫百合」作為新球會首選，最起碼有迪基亞照應，比較容易適應新環境。