歐聯生死戰 摩連奴因一事「扮輕敵」
由名帥摩連奴執教嘅費倫巴治，將於周四(28日)凌晨歐聯附加賽次回合作客賓菲加，雙方首回合打和0比0，今場勝方可以晉級「聯賽階段」搵真銀。賽前摩連奴話，搞唔清楚賓菲加球員姓名，被指「扮輕敵」。(Now 643周四凌晨3時直播)
摩連奴身為葡萄牙人，對住葡超勁旅賓菲加，照計對於對手底細，應該瞭若指掌，但「寸王」卻否認：「信不信由你，我唔清楚賓菲加球員邊個打邊個，唔了解佢哋，亦唔知邊位球員有影響力同重要性，冇人介紹畀我識，我甚至唔知佢哋名字。」
摩連奴之所以咁講，因為近期傳出佢有意簽入賓菲加翼鋒艾度路高奴，呢位26歲土耳其國腳上年9月由加拉塔沙雷轉投賓菲加後，表現大勇，上季53次披甲入16球及13次助攻，「寸王」想將佢帶返土耳其，現時「扮唔識」對方，可能擔心打草驚蛇，影響收購計劃。
更多賠率：