改名轉運？夏蘭特挪威波衫用新名

9月初國際賽檔期，挪威射手艾寧夏蘭特搞新嘢，就係佢件挪威波衫使用新名，由原本HAALAND，加多個字變成BRAUT HAALAND，據講夏蘭特認為咁做可以強調佢挪威人嘅身份。

夏蘭特表示，新名字嘅波衫將會喺9月5日凌晨主場對芬蘭嘅熱身賽首次亮相，而今次國際賽檔期仲有9月10日凌晨世界盃外圍賽主場對摩爾多瓦，現時挪威排緊I組榜首，出線機會唔細。

最搞笑係，挪威領隊蘇爾巴勤，話唔知夏蘭特改咗名，佢話：「呢個就係佢個名(BRAUT)，並唔係咁複雜，不過我對呢件事一無所知(新波衫)。」

至於夏蘭特喺個人社交平治公布新名字波衫，獲3,800萬人關注，相信嚟緊夏蘭特球迷又要準備買新波衫。夏蘭特出道至今都未出席過國際大賽，今次為咗踢世界盃，莫非想「轉名改運」？