夏維斯開刀治膝傷　阿仙奴收喜訊

英超開季2戰全勝嘅阿仙奴，周五(29日)宣布德國前鋒夏維斯做手術醫治膝傷，球會指今次手術非常成功，而且消息指夏維斯休養期只要「幾個星期」，而唔係最初擔心嘅「幾個月」，絕對係一大喜訊。

夏維斯喺開咧戰對曼聯受傷，一度傳出傷勢嚴重，可能缺席今季大部份賽事，所以緊急簽入伊比爾治伊斯救亡。阿仙奴周五發聲明，指夏維斯就膝傷順利進行「小手術」，短期內可以進行復康練習。

據英國《獨立報》報道，夏維斯預計只需休息幾個星期，球隊目前有約基利斯擔任箭頭，李安度杜沙特同米基爾馬連奴亦可「代更」，加上加比爾捷西斯亦接近復出，阿仙奴人手仍然充裕。