摩連奴願教英超「弱隊」　但唔係曼聯

葡萄牙名帥摩連奴周五(29日)被土耳其球隊費倫巴治解僱後，迅速獲英超球會招攬，根據意大利體育記者Checco Oddo Casano爆料，韋斯咸已經開始行動，邀請「寸王」協助球隊護級。

雖然摩連奴近年教波成績欠佳，但始終經驗豐富，包括曾擔任3支英超球隊車路士、曼聯、熱刺領隊。韋斯咸今季成績差劣，英超2戰2敗，上場英聯盃亦不敵狼隊，換言之開季3連敗，合共失11球，領隊樸達好可能被炒，會方認為摩連奴係合適新帥人選。

摩連奴上年曾經表示，願意執教英超包尾球隊，同韋斯咸不謀而合。早前傳出如果曼聯炒領隊魯賓艾摩廉，可能會搵摩連奴回巢接手，但現時可能被韋斯咸捷足先登。