光輝撻着大盤咪錯過
2021/05/19 00:00
文:工廠仔
周三澳職大戰，近期狀態全面提升嘅珀斯光輝，將會喺主場迎戰阿德萊德聯。珀斯光輝為季後賽衝刺「主場7連擊」，近期終於全面上力，近3場全勝兼且愈贏愈多，球員信心爆棚，為殺入前6必定全力盡攻；阿德萊德聯作客亦係以攻為守，今場博2.5球大盤好路。
（周三晚7時20分開賽）
珀斯光輝因為賽程安排「先苦後甜」，今個月開始上演連續7仗主場賽事，成為衝擊季後賽一大優勢。雖然頭2場只有1分，但之後開始上力愈戰愈勇，近3場先贏墨爾本勝利，再以3比0大破西部聯，上輪更以5比1大炒西悉尼流浪者，球員信心爆棚，愛爾蘭老將安迪基奧治上場食出「大四喜」，科拿路利同祖爾捷安尼斯等射手亦腳風大順，絕對有力搶攻。
阿德萊德聯作客照攻
阿德萊德聯目前季後賽資格尚算樂觀，不過仍有搶分需要，球隊今季作客多採以攻為守戰術，連續7場聯賽作客有入波亦有失波，對上10場聯賽作客總入球都達3球或以上。翻查對賽往績，兩隊近5次交鋒，總入球亦全開3球或以上，今場「大」盤穩開。