耶穌仔高薪低能被清洗
2024/05/04
自季中由進攻中場改踢箭頭後，夏維斯近11場聯賽入8球，佢嘅爆發亦令加比爾捷西斯淪為後備。有報道指，呢位巴西前鋒已被「兵工廠」掛牌出售。
「耶穌仔」捷西斯前季由曼城加盟後表現出色，但自22年世盃出現嚴重膝傷後，狀態同傷患一直反覆不定，今季英超只有4個入球。自從夏維斯霸佔前鋒位置後，捷西斯更加淪為大後備，2024年嘅13場聯賽只有2次正選，作為球隊最高薪球員之一，貢獻唔合比例，難免被球會清洗。
瞄準3大前鋒做替補
阿仙奴一直希望簽入新前鋒，曾經傳過睇中賓福特前鋒艾雲東尼，不過有消息指，「兵工廠」依家目標只有3人，包括紐卡素嘅阿歷山大伊沙克、RB萊比錫嘅施斯高同士砵亭嘅基奧基尼斯。