車仔拆紐 彭馬獲讚媲美蘇拿
2024/10/29
車路士前日喺主場2比1擊敗紐卡素，贏波英雄一如所料又係高爾彭馬，呢位英格蘭新星1次靚策劃加1個入波，自編自導呢場勝利。
彭馬18分鐘喺後場一次精彩「手術刀」長傳，畀柏度尼圖快放傳中尼高拉斯積遜射入。紐卡素32分鐘由阿歷山大伊沙克追平，不過彭馬喺47分鐘轟入今季個人聯賽第7球，帶領車路士2比1贏波。
「聽講佢好勁但我冇睇過」
彭馬呢年幾統治性表現，獲讚可同車路士傳奇前鋒蘇拿（圓圖）相比，不過彭馬就自爆唔識佢：「我知道佢（蘇拿）係《FIFA》入面嘅傳奇球員，所以佢一定好勁，但我真係冇乜睇過佢。」