尋日凌晨沙特阿拉伯職業聯賽，40歲葡萄牙巨星C朗（圖）射入1球，獲得職業生涯第926個入波，佢30歲後各項賽事累積入463球，剛好一半係30歲之後射入。不過，C朗效力嘅艾納斯主場出擊，最終被艾沙比逼和2比2。今場艾沙比喺44分鐘憑12碼打開紀錄，艾納斯上半場補時連入2球，C朗貢獻1+1，協助艾納斯迅速反超前。不過換邊後，艾沙比靠角球攻勢逼和2比2；艾納斯近2場聯賽只有1和1負，落後榜首伊蒂哈德10分，爭標機會非常渺茫。
