比利時留力臨天光瀨尿
2025/06/08
尋日凌晨世界盃外圍賽歐洲區J組爆出冷門，擁有兩大球星盧卡古及奇雲迪布尼助陣嘅比利時首仗出師不利，領先之下，踢到臨完場前失守，作客被北馬其頓逼和1比1，連1.33倍客W都開唔出。
遭北馬其頓逼和1:1
比利時喺上半場28分鐘由迪古柏建功打開紀錄，以為可以輕鬆全取3分，領隊魯迪加西亞先後換走奇雲迪布尼及盧卡古，似乎想留力嚟緊周二凌晨主場對榜首威爾斯。
不過，魯迪加西亞嘅如意算盤打唔響，踢到86分鐘，北馬其頓33歲老將阿里奧斯基攻破比利時大門，逼和1比1，呢支巴爾幹球隊3戰取得1勝2和，排J組第2位，表現相當硬淨。