Football

蝙蝠女神買名牌袋唔手軟

2015/01/04

「蝙蝠軍團」華倫今年獲新加坡商人林榮福入主,呢位班主嘅23歲索爆千金阿Kim即做生招牌。之不過「蝙蝠女神」鍾情名牌,淨係Chanel袋都有成40個。好在靚女好積極幫球隊宣傳,更事先張揚話今晚會入場打氣。使完老竇錢識幫番球會做生招牌,算你啦!

賓施馬玩命辣慶高層

而賓施馬「杜拜之旅」玩出禍,呢位射手大膽玩「高空跳傘」,違反皇馬禁止球員參與危險體育活動嘅規定,可能被會方重罰。但賓施馬今季大勇,同C朗及加里夫巴利組成嘅「BBC」無堅不摧,恐怕教練安察洛堤唔捨得處罰佢。

安察洛堤曾經叫球員喺歇冬假期「忘記足球」,盡情享樂放鬆,賓施馬果然玩得好盡,親自試吓「高空跳傘」。但西班牙傳媒《每日體育報》指會方對佢參與危險活動非常不滿。

波經所提供之資訊概以較新版本為準,並已力求精確可靠,但不保證絕對無誤。
資料只供參考用途,如有錯漏而導致閣下蒙受損失,本公司概不負責。