紅軍硬撬巴塞新星加維
2022/02/10
利物浦吼實巴塞新星！西甲勁旅巴塞隆拿嘅青訓一向唔差，近年就爆出一位西班牙中場加維。呢位17歲小將同巴塞嘅合約即將在2023年6月到期，據報利物浦打算今夏直接支付5000萬歐元違約金「硬撬」，搶先將佢帶到晏菲路球場。
加維今季先由U19提升上一隊，並迅速站穩陣腳，各項賽事為球隊上陣26場，貢獻2入球、3助攻。去年10月更進身西班牙大國腳，喺歐國聯及世盃外賽事正選披甲。加維與巴塞隆拿嘅合約即將在2023年6月到期，雖然領隊沙維認為佢屬於球隊嘅未來基石，但巴塞非常「莫財」，即使係用「高薪」留人，但加維都唔多滿意，因此雙方暫時未能就續約達成共識。
加維目前合約中所列明嘅違約金僅5,000萬歐元，據報多間球會包括利物浦已對佢虎視眈眈， 相信今個夏天加維將成轉會市場上嘅一大搶手貨。