大數據分析唔睇好 阿仙奴僅3.2％贏聯賽
2022/09/23
阿仙奴今季英超表現大勇，目前7戰6勝1負排榜首，力爭重奪失落多年嘅聯賽冠軍，不過著名數據網站squawka透過大數據分析，計算出曼城最大機會成為冠軍，比率高達84.4％，反觀兵工廠只有3.2％機會捧盃，仲低過今季大跌Watt嘅利物浦。
曼城封王達84.4％
根據近年數據，曼城的確佔有壓倒性優勢，過去5季英超有4季由「藍月亮」奪冠，今季7場聯賽取得5勝2和，僅少於阿仙奴1分。同埋曼城一向以後勁凌厲見稱，攻力非常強勁，7場聯賽入23球，射手艾寧夏蘭特大勇，包辦其中11球，的確好大機會反超前阿仙奴。
至於上季亞軍利物浦仲有11.3％機會奪冠，僅次於曼城，相信主要受到球隊近年整體成績好而被高估。